حد سمع الاغنيه الشهيره لداليدا
بتاعه كلمه حلوه و كلمتين
حلوه يا بلدييييييييييييييييي
و انا بسمع الاغنيه ديه من كام يوم كده
جت فى بالى فكره و يا ريتها ما جت
لاحظت إن من ساعة ما بدأت موضه التدوين فى مصر ماشوفتش مدون واحد فيكى يا مصر
بيكتب عن البلد حاجه عدله ابدا
على فكره و اسألوا اى حد يعرفنى كويس
هيقولكم انى أول واحد شايف البلد ديه بنضاره سوده
لاحظت إن من ساعة ما بدأت موضه التدوين فى مصر ماشوفتش مدون واحد فيكى يا مصر
بيكتب عن البلد حاجه عدله ابدا
على فكره و اسألوا اى حد يعرفنى كويس
هيقولكم انى أول واحد شايف البلد ديه بنضاره سوده
و كعب كوبايه كمان
لكن قولت لنفسى يا واد يا كيمو
أكيد البلد ديه فيها حاجه عدله برضه
مش معقوله انها تكون منيله بستين نيله كلها يعنى
لكن قولت لنفسى يا واد يا كيمو
أكيد البلد ديه فيها حاجه عدله برضه
مش معقوله انها تكون منيله بستين نيله كلها يعنى
لذلك قررت إنى اكتب بوست أبين فيه جمال مصر
لكن النضاره السوده اللى يخرب بيتها مش شايف منها حاجه
معلش العتب على النظر
مش شايف اى حاجه عدله
حاولوا معايا
احسن اخوكوا من ساعه ما طلعت الفكره ديه فى دماغه
و أنا متدهول دهوله سوده
و من كتر التفكير بقيت ماشى أكلم نفسى فى الشارع
و أمى قربت تشوفلى عروسه بتحسبنى بحب
مش بقولكوا نضاره سوده و كعب كوبايه كمان
أنا عارف إنه طلب صعب
بس حاول تعصر دماغك معايا
و شوفلك حاجه واحده بس
مش طالب اكتر من كده
حاجه واحده بس
مش بقولكوا نضاره سوده و كعب كوبايه كمان
أنا عارف إنه طلب صعب
بس حاول تعصر دماغك معايا
و شوفلك حاجه واحده بس
مش طالب اكتر من كده
حاجه واحده بس
11 comments:
ممكن يكون من اجمل ما فى البلد رجالها المقاتلين فقد ارشدنا الله تعالى أن نتخذ من مصر جنود فإنهم خير جند الارض
السلام عليكم
بوستك جاى في غير وقته معايا
انا لسه كنت بقول انى ساخطة وناقمة على الوضع
انا اللي بحاول اكون متفائلةوابص للنص المليان من الكوبايه
جاية انهاردة
وانهاردة بالذات وبقول بقى كده كفاية اوى
ان الله لا يغير ما بقوم حتى يغيروا ما بأنفسهم
بجد
وبدون أدنى مبالغة
الناس بقت بشعة
رافعين شعاري مصلحتي ثم مصلحتي ثم مصلحتي
عندهم استعداد يدوسوا على غيرهم من اجل تحقيق مصلحتهم
فيه حاجات كتير اوى اوى في البشر عاوزة تتغير
واهمها
انك تراعي الاخرين
محدش بيراعي حد
لا دكاترة بيراعوا ان عندنا امتحانات وتكليفات بالعبيط وكل واحد مش صابر عاوز ياخد تكليفه ويخلص
ولا ارشاد بيظبط جدول المحاضرات كويس
ويخليك تخلص محاضرات وترجع على بيتكم وتفطر بعد العشاء بساعة
ولا ناس محترمة شايفة اليافطة الطويلة العريضة اللي على عربة السيدات في المترو
اللي فيها عربة السيدات حتى الساعة التاسعة مساء ومع ذلك تلاقيهم ناطين في العربة قبل السادسة مساء
ولا الناس اللي ماشية تزق بايديها
وتخبط
وياويلك
لو خبطت ف حد
يبصلك وكأن الدنيا اتهدت
لا
لا
كفاية كده
اعذرني بقى واعتبرها وسيلة للتنفيس في بلوجتك لعدم وجود وقت لعمل بوست جديد
آه
على فكرة
قرأت قبل كده مقال
كان بيطرح فيه سؤال حضرتك
وكان فيه اجابة
الاجابة
انك الطبيعي تقول
هى ليه العمارة وقعت
بس
مش الطبيعي انك تقول
هى ليه العمارة موقعتش
عذرا للاطالة
و
للتنفيس
سلاماتي
والله ما عارف اجاوب على سؤالك ... كل ما افتكر حاجة عدلة الاقى قصادها ستين حاجة منيلين بنيلة
بس بصراحة.. فى الجو الكئيب دة .. بتلاقى أحلى نكت طلعت من العالم اللى طالعة عنيها فى البلد دى
واحد اجنبى ركب تاكسى فبيسأل السواق على أصحاب الصور اللى فى الدليل السياحى اللى معاه
السائح: مين دة؟؟
السواق: دة الرئيس محمد نجيب .. أول رئيس لمصر
السائح: و مين دة ؟؟
السواق: دة جمال عبد الناصر.. الرئيس اللى أمم قناة السويس و بنى السد العالى
السائح: و مين دة؟؟
السواق: دة الرئيس السادات اللى حقق لنا النصر
السائح: و مين دة ؟؟
السواق: دة أبو جمال .. شريكى فى التاكسى
خلصت النكتة .. مش حلوة قوى .. لكن معبرة
سلام يا نجم
بص يا كيمو البلد فيها حاجات كتير حلوه لو سافرت وسيبتها هتوحشك، وأنت طلبت حاجه واحده ومش هقولك أكتر من واحده لأن أنت اللى المفروض تعصر دماغك
حاجه واحده من الحاجات الكتير حاجه إسمها ولاد البلد ياكيمو
وهحكيلك موقف يا كريم
لما كنت شغال في مارينا نزلت بوابه مارينا أربعه وأنا كنت المفروض أنزل اللى قبلها المهم كان لازم أمشي بتاع أتنين كيلو علشان البوابه التانيه
وبإختصار وانا في نص الطريق لاقيت راجل عايش في كشك خشب كان شكله عامل من العمال الغلابه وكان بيبتدي ياكل وأنا معدي من جمبه ودي غريبه أن حد يعدي عليه كان فارش على الأسفلت وبياكل وأول كلمة قالهالي "تعالى كل" قولتله ربنا يخليك ياريس المهم ما أستريحش غير لما أعدت وكلت معاه وقولتله أهي لقمه أجبر بيها الذات وقمت.
هاتلى دوله فيها ولاد البلد غير مصر.
دماغك يا كيمو بص للي حوليك هتعرف أنت هتخسر أيه لو سيبتها.
الدماغ العاليه.
احلى حاجة في البلد دي انك فيها يا كيمو يا حبيبي
يلا بقى هات البانر نطفت روح اهلي
ايه يا رجاله
محدش لاقى حاجه عدله فى مصر
اى حاجه طيب
مش ممكن يعنى
الظاهر النضارات السوده ام قعر كوبايه بتتباع ببلاش فى مصر
أنا .
أنا أحلى حاجة في مصر
.................
وأنتَ وأنتِ واحنـــا
:D
احلي حاجة في مصر انها بلدك اللي فيها ناسك واهلك واللي فيها احلي مدينة فالدينا اسكندرية
دا كفاية بحرها
وكفاية اوي علينا اننا عايشين فيها
واللي جرب الغربة اكيد حس بقيمة البلد دي اوي
والله فعلا معاك حق بس برضو معلش مش للدرجة دية كدة اه اينعم فيه سلبيات بس اكيد فيه ايجابيات ولو بسيطة كفاية انك فى وسط اهلك وناسك صدقنى مش هتحس بده الا لما تتغرب وتبعد عن البلد ساعتها بس هتقول ده انهو مجنون يقول يتغرب عن بلده
ثانيا كفايه ناسها واهلها الطيبين
ثالثا كفاية منظر النيل وكفاية ان فيه حاجات برضو حلة بس فيه حاجات تتقال وفيه حاجات تتحس
اكيد كيمو مصر مليانة حاجات كتيررررر
حلوة
بس للاسف الحاجا ت الوحشة اكتر اضعاف اضعاف
ايه يا كيمو انت مش حتفتح المدعوئة بقى ولا ايه
Post a Comment