أسئلة
هى الدنيا ايه غير أسئله و إجابات و شويه حاجات فوق بعض
أسئلة
ممكن تكون غريبة
ممكن تكون موجعه
ممكن تكون مستفزة
ممكن تكون ملهاش إجابه
ممكن تكون خايف تجاوبها أصلا
ما تقرأو من غير كلام كتير بقى
على فكرة الاسئلة ملهاش علاقة ببعض خاااااالص هه
ريدى
إستيدى
جووووووووو
إستيدى
جووووووووو
تقدر تقوللى أخر كتاب قريته كان أمتى
كتاب مش ميكى جيب و رجل المستحيل هه
اخر مرة صليت الفجر حاضر كان أمتى
لما بتبص لأطفال الشوارع اللى نايمين فى الشوارع فى عز البرد ده
بتقول ايه القرف ده ييييييععععععععع
و لا بتفكر فى طريقه ممكن تحل بيها جزء من مشاكلهم
عمرك فكرت فى الكام ساعة اللى بتقعدهم على النت كل يوم
بتستفاد بيهم فعلا و لا مجرد شات و تضييع وقت و خلاص؟؟؟؟
لو انت خريج تجارة زى حلاتى و ابوك معهوش يجيبلك شقه و مرتبك أخره 600 جنيه
تقدر تقول هتحوش تمن الشقه فى اد ايه؟؟؟!!!
لما حسبتها لقيت انك بعد خصم مصاريفك الشهريه و تحويش الباقى
تبقى عايز 15 سنه عشان تحوش 70 الف جنيه عشان تجيب اعفن شقه فى مصر
لكن السؤال الاعجب " هو هتكون في شقه فى مصر بـ 70 الف جنيه
تقدر تقول هتحوش تمن الشقه فى اد ايه؟؟؟!!!
لما حسبتها لقيت انك بعد خصم مصاريفك الشهريه و تحويش الباقى
تبقى عايز 15 سنه عشان تحوش 70 الف جنيه عشان تجيب اعفن شقه فى مصر
لكن السؤال الاعجب " هو هتكون في شقه فى مصر بـ 70 الف جنيه
بعد 15 سنه "؟؟!!
هع .... ابقى قابلنى
عمرك فكرت تبقى أحمد زويل او عمرو خالد او صلاح الدين؟؟؟؟؟
هع .... ابقى قابلنى
عمرك فكرت تبقى أحمد زويل او عمرو خالد او صلاح الدين؟؟؟؟؟
على اساس انك مش ناقص رجل ولا هو عنده مخ زياده على رأى ستى
عمرك فكرت تغير حايتك كلها و تغير طريقه أكلك و طريقه شغلك او مجال شغلك أو دراستك؟؟؟؟؟
مش لمجرد التغيير لكن عشان انت محتاج كده فعلا
أخر مره تبرعت بجزء من فلوسك لأى حد او اى جهه محتاجه فلوس كان أمتى؟؟؟؟؟
يا رب تكون فاكر
يا رب تكون فاكر
عمرك قعدت مع نفسك و مسكت ورقه و قلم وفكرت انت عايز تبقى ايه كمان سنتين مثلا
و حطيت خطه عشان كده و لو معملتش كده يبقى معملتش كده ليه؟؟؟؟
على فكرة عندى أسئلة أكتر من كده بكتير أوى
بس أظن الفكرة وصلت
واللى موصلتلوش الفكرة ميخافش
أكيد جاية فى السكه بس المواصلات صعبة اليومين دول
بس أظن الفكرة وصلت
واللى موصلتلوش الفكرة ميخافش
أكيد جاية فى السكه بس المواصلات صعبة اليومين دول
12 comments:
اسئلة جميلة ياكيمو والله فوقت الواحد فعلا وخليته يفكر فى حاجات كتير.
بس الحمد لله 95% منهم انا سائل نفسى فيهم 100 مرة .
بس موضوع جميل وعجبتنى الفكرة اوى
بص يا سيدي اولا حمدالله علي اللامه ايه الغيبه دي كلها يا راجل
اخر مره قريت كتاب كان من يومين قصه ليوسف السباعي
اخر مره صليت الفجر كان من زماان و دي حقيقه
لما ببص لاطفال الشوارع بتكسف اوي من نفسي اني بتفرج عليهم
لا مش بفكر في الاستفاده
تحياتي ليك
بوست جميل اوي اوي اوي ...
وفعلا كتير مننا بيمل بظروف وحياة مختلفة عن غيره منها الصعب ومنها اللي في مشاكل .. لكن قليل اوي اللي بيقعد مع نفسه وبيدفع نفسه انها تتقدم ولو خطوة واحدة ...
داياما المثال اللي بيحضرني .. ان كتير من الناس اللي تعرضوا لنفس الظرف واحد حرم من اهله وحرم من الغني او تعليم كويس . واحد طلع عبقري وواحد طلع حرامي .. كل واحد كان له رد فعل اما مستسلم واما ايجابي
يارب اكون من الايجابيين
اسلام
ــــ
جدع و الله انك سئلت نفسك الاسئله ديه
لكن اتمنى انك تكون لقيت اجابه
emy
ـــ
مكنش قصدى خالص انك تجاوبى على الاسئله
لكن قصدى انك تقفى مع نفسك وقفه مش شرط الاسئله ديه
لكن كل واحد و ليه اسئلته
و شكرا جدا على الزياره
مستر ياسر
________
اكتر واحد فاهمنى فى الدنيا
هو ده بالضبط قصدى من البوست
الموضوع جميل جداجدا
جميل أوي إن الواحديفكر في كل حاجة بيعملها ميعشهاش كدة وخلاص
عارف ... الواحد لو فكر في كل حاجة بيعملها حيلاقي إنه المفروض يعمل حاجات كتييييييييييير وفي نفس الوقت حيلاقي إن مكنش المفروض يعمل حاجات كتيييييييييير
وأنا متأكد إنك بتسأل نفسك أسئلة أكتر من كدة وده شيء في نظري كويس
بس أهم حاجة من وجهة نظري إن ينبني على أسئلتك عمل
مثلا ... آخر مرة اتصدقت إمتة ؟؟
كان من زمان ؟؟ طيب ليه نعد نندم ممن دلوقتي اتصدق ولو بشلن بس اتصدق لأن الأعمال بتقاس عند ربنا بالنية بتاعتها.
ومن رأيي إن لو الواحد اتعود يسأل نفسه في كل حاجة قبل ما يعملها حيوسع مجال تفكيره
وأسف جدا على الاطالة لكن الموضوع هايل بصراحة
ايه يا عم هو انت لازم يعني تتجوز في شقة ب70 الف ما في شقق المساكن ب15 الف الشقه وزي الفل
وبعدين يعني دلوقتي حتفتح العشش وبابا حسني حيوفر عشة لكل مواطن ويبقي يقسط ثمنها للبنك الاهلي
السلام عليكم
1- كتاب لا تحزن
2- انهاردة
3- بقول حسبي الله ونعم الوكيل
4- الشات له وقته
يعني يوم ف الاسبوع بضيعه ف الشات كترفيه وبااقي الايام مش بستخدمه ولو استخدمته بيكون للشغل
5- ما اتجوزش
6-لا ، بس فكرت انى اكون أنا ، عشان الاجيال اللي بعد كده تتمنى انها تكونن زيي
7- بفكر ف كده 24 ساعة
8-امبارح...دي صدفة على فكرة
بس بقالي كتييير ما اتبرعتش
9- كتيييييير اوى
البوست ده عجبني اوي
وفكرتك وصلت
وأدينا بنحاول
سلاماتي
سلام عليكم
إيه يا عم فين مواضيعك ؟؟؟؟
انت تكتب موضوع جامد وتتقل علينا كدة كتير ؟؟؟
عالعموم ربنا يوفقك
كيموز باشا
أسئلتك دى أحرجتنى قدام نفسى
و حمد الله على السلامة بعودتك .. هى متأخرة شوية معلش
مستنيين مواضيعك يا ريس
فينك
؟؟
ياااااه على تأنيب الضمير واحساس الضياع واللا امل دا كله , تعرف إن السؤال بتاع سبعمية جنية دا انا قعدت افكر فيه قبل كدة بس لأخويا وحسيت إن فعلا مافيش امل
حلوة قوي الاسئلة اللي تعكنن علي ضمير الواحد دي وتفوقه شوية من المنومات اللي اتعود عليها
جزاك الله خيرا
Post a Comment