إرزع دماغك فى أجدعها حيطه

(إرزع دماغك فى أجدعها حيطه )

ده اللى نفسه يقولهولك اى مسؤول فى الحكومه

ده بيبقى لسان حالهم مهما زوقوا الكلام و جاهد نفسه جهادا عظيما فى ان يرسم بسمه ود للمواطنين على شاشات التلفزيون

تلاقى السيد المسؤول طالعلك عمال يرص فى انجازات الحكومه الرهيبه التى تشيب لأجل كثرتها رؤوس الاطفال

و أول ما تييجى تناقشه فى اى حاجه يطلع المشروع الاولانى لسه بيفكروا فيه و التانى لسه فى مرحله دراسه الجدوى و الثالث فيه مشكله تمويل والرابع و الخامس

لتجد المحصلة فى النهايه مجرد تخيلات لتنميه وهميه لا تنمى الا كروش هؤلاء المسؤولين

تحس فى الاخر انه بيقولك ارزع دماغك فى اجدع حيطه تلاقيها ادامك و ان طول ما توجيهات سعادته منوره طريقهم عمرك ما حتشوف تقدم ولا تنميه فى البلد ديه

اللى يجنك بأه الاعلانات اللى بيجيبوها فى التلفزيون اللى بعنوان قال إيه

" مصر بتتقدم بينا "

والنبى نفسى أعرف فين التقدم الرهيب اللى احنا فيه اكيد قصدهم خدمه النت اللى رخصت خالص مالص و بقت بخمسه و اربعين جنيه و حددوا فيها كميه الداون لوود

طب بلاش ديه , مين بأه "بينا" دول

مين دول اللى مصر بأه بتتقدم بيهم

يكونش احنا و مش حاسين- الله أعلم-

لو انت بأه مش مصدق ان مصر بتتقدم بينا

(إرزع دماغك فى أجدعها حيطه )